यावल तहसिलदारांना अधिकार्यांसमक्ष शिविगाळ व धक्काबुक्की
यावल तहसिलदारांना अधिकार्यांसमक्ष शिविगाळ व धक्काबुक्की
यावल येथील पुंडलिक बारी विरुद्ध गुन्हा दाखल
यावल प्रतिनिधी:यावल तहसिलदार कार्यालयात तहसिलदारांच्या कॅबिन मधे अनधिकृतपणे प्रवेश करुन शिविगाळ करत अंगावर धावून आल्याप्रकरणी पुंडलिक बाजिराव बारी रा.बारीवाडा यावल यांच्यावर यावल पोलिस स्टेशन मध्ये गुन्हा दाखल करण्यात आला आहे.
तहसिलदार जितेंद्र कुंवर यांनी दिलेल्या फिर्यादीवरून यावल शहरातील शिव भोजनाचा ठेका आरोपी पुंडलिक बाजिराव बारी यांस दिला नाही या गोष्टीचा राग येऊन आज सकाळी ११ ते ११:२० च्या सुमारास तहसिलदार कार्यालयात येऊन तहसिलदार जितेंद्र कुंवर हे करीत असलेल्या आपत्ती व्यवस्थापन कायद्याअंतर्गत कर्तव्यात अडथळा निर्माण करुन धमकाविणे, दमदाटी करणे, अरेरावीने, उद्धटपणे बोलणे, अंगावर धावून येऊन टेबलावर पैसे फेकणे असे कृत्य केले म्हणून सदर पुंडलिक बाजिराव बारी विरुद्ध यावल पोलिस स्टेशनमध्ये भाग ५ गरनं १५७/२०२०भादवि कलम ३५३,४५२,१८६,५०४,५०६ आपत्ती व्यवस्थापन कायदा २००५ चे कलम नुसार गुन्हा दाखल करण्यात आला असून पुढील तपास पोलीस निरीक्षक श्री.धनवडे यांचे मार्गदर्शनाखाली पोलिस उपनिरीक्षक खैरनार हे करीत आहेत.दरम्यान या घटनेप्रकरणी आज दुपारनंतर गुन्हा दाखल करण्यात आला असून उपविभागीय अधिकारी फैजपूर डॉ थोरबोले व वरिष्ठ अधिकारी यांच्याशी सविस्तर चर्चा केल्यानंतर गुन्हा दाखल करीत असल्याने उशीर झाल्याचे तहसिलदार जितेंद्र कुंवर यांनी यावेळी फिर्यादीत म्हटले आहे.
Comments
Post a Comment