राज्यात संपुर्ण लॉकडाऊन की अंशतः? मुख्यमंत्री ०८:३० वाजता करतील घोषणा, पुण्यात अंशतः लॉकडाऊन जाहीर

राज्यात संपुर्ण लॉकडाऊन की अंशतः? मुख्यमंत्री ०८:३० वाजता जाहीर करणार,पुण्यात अंशतः लॉकडाऊन जाहीर

खान्देश न्यूज नेटवर्क मुंबई/पुणे: गेल्या महिन्यापासून राज्यात कोरोनाचे रुग्ण झपाट्याने वाढत आहेत. मुंबईसह राज्यातील काही जिल्ह्यात तर कोरोना रुग्ण संख्येचा स्फोट झाला आहे. त्यामुळे राज्यात लॉकडाऊन लागण्याची शक्यता वर्तवली जात आहे. या पार्श्वभूमीवर मुख्यमंत्री उद्धव ठाकरे आज रात्री 8.30 वाजता राज्यातील जनतेशी संवाद साधणार आहेत. त्यामुळे राज्यात लॉकडाऊन होणार की कठोर निर्बंध लागू होणार? याकडे सर्वांचे लक्ष लागलं आहे.

पुण्यात अंशतः लॉकडाऊन ची घोषणा,०७ दिवस कडक निर्बंध

पुण्यातील कोरोना परिस्थिती बिकट होत चालली आहे. त्या पार्श्वभूमीवर पालकमंत्री अजित पवार यांच्या उपस्थितीत आढावा बैठक झाली. या बैठकीनंतर विभागीय आयुक्त सौरभ राव यांनी माध्यमांशी संवाद साधून माहिती दिली. आगामी सात दिवसांमध्ये कोणत्या सुविधा सुरु राहणार आहेत. कोणत्या सुविधा बंद राहतील याविषयी राव यांनी माहिती दिली.

पुण्यात काय चालू राहणार?

   पुण्यात पुढील सात दिवसांसाठी अंशत: लॉकडाऊन लागू करण्यात आला आहे. बस, धार्मिक स्थळं, हॉटेल सेवा पुढील सात दिवसांसाठी बंद राहील.उद्यापासून पुढील सात दिवस हे नियम लागू राहतील.

पुण्यात काय सुरु काय बंद? 

      सर्व हॉटेल, रेस्टाँरट, बार हे पुढील सात दिवसांसाठी बंद राहील. मात्र पार्सल सेवा सुरु राहील. मॉल आणि सिनेमा हॉल ७ दिवसांसाठी बंद धार्मिक स्थळं बंद ७ दिवसांसाठी बंद PMPML बससेवा 7 दिवस बंद, केवळ अत्यावश्यक सेवा सुरु आठवडे बाजारही बंद लग्न, आणि अंत्यसंस्कार सोडून कोणतेही सामाजिक, राजकीय कार्यक्रम होणार नाहीत संध्याकाळी सहा ते सकाळी सहा वाजेपर्यंत संचारबंदी असेल. केवळ अत्यावश्यक सेवा सुरु राहतील दिवसभर जमावबंदी जिम सुरु राहणार दहावी, बारावी आणि एमपीएससी परीक्षा नियोजित वेळेत होणार शाळा महाविद्यालय 30 एप्रिल पर्यंत होणार पुण्याची परिस्थिती गंभीर याबाबत सौरभ राव म्हणाले, “परिस्थिती बिकट होत चालली आहे. पॉझिटिव्ह रेट 32 टक्क्यांपेक्षा जास्त झालाय. रोजचा पॉझिटिव्ह रुग्णांचा आकडा 8 हजारांवर गेला आहे. वाढती कोरोना रुग्ण संख्या चिंताजनक आहे. रुग्ण वाढले तर खासगी हॉस्पिटलला कोरोना हॉस्पिटल करावे लागेल. पेशंट असे वाढत राहिले तर काही हॉस्पिटल हे 100 टक्के कोरोना हॉस्पिटल करावे लागतील”. बेडची संख्या वाढवणार,टेस्टिंग वाढवलं जाईल. पुण्यामध्ये इतर जिल्ह्यातूनही रुग्ण उपचारासाठी येत आहेत. लसीकरणाचा वेग वाढवणार. मागील दहा दिवसांत राज्यात पुणे शहरात सर्वाधिक लसीकरण झाले. पुढील दोन दिवसात 75 ते 80 हजार लसीकरणाचे उद्दिष्ट आहे. येत्या 3 ते 4 दिवसात 1 लाख लसीकरणाचे उद्दिष्ट आहे. पुणे विभागात कोल्हापूर वगळता सांगली, सातारा, सोलापूरमध्ये रुग्णसंख्या वाढ चिंतेचा विषय आहे. सुपरस्प्रेडरची आठवड्यातून एकदा टेस्ट बंधनकारक आहे