प्रतिक्षा संपली: फैजपूर नगरपरिषदेची प्रभागरचना जाहीर,१० प्रभाग आणि २१ नगरसेवक
प्रतिक्षा संपली: फैजपूर नगरपरिषदेची प्रभागरचना जाहीर,१० प्रभाग आणि २१ नगरसेवक
फैजपूर प्रतिनिधी : ऐतिहासिक फैजपुर शहर नगरपरिषदेची काल प्रभाग रचना प्रारूप यादी प्रसिद्ध करण्यात आली. यामध्ये फैजपूर शहरात एकूण १० प्रभागांमधून २१ नगरसेवकांची निवड करण्यात येणार असून यापैकी ९ प्रभागांमध्ये प्रत्येकी २ तर एका प्रभागात ३ नगरसेवक निवडून द्यावे लागणार आहेत.
फैजपूर नगरपरिषदेच्या २०२२ ते २०२७ साठी होणाऱ्या सार्वत्रिक निवडणुकीसाठी प्रभाग रचनेची प्रारूप यादी दि.१० मार्च रोजी नोटीस बोर्डावर प्रसिद्ध करण्यात आली असून या संदर्भात हरकती व सूचना सादर करण्याचा कालावधी १० मार्च ते १७ मार्च दुपारी ०३ वाजेपर्यंत प्रभाग कार्यालयाच्या मुख्यालयात जमा करण्याचे आवाहन, मुख्याधिकारी वैभव लोंढे यांनी दिले आहे.
अशी राहिल फैजपूर नगरपरिषदेची प्रभाग रचना-
प्रभाग क्रमांक १ - या प्रभागातील लोकसंख्या ४ हजार ३०७ असून अनुसूचित जाती १६४ आणि अनुसूचित जमाती ५७६ अशी आहे. या प्रभागाची व्याप्ती – त्रिवेणी मंदिर, खंडोबावाडी रोड, यावल रोड परिसर, लक्ष्मी नगर, आशिष सराफ नगर, नदीजवळील इस्लामपुरा झोपडपट्टी, भाग, तहा नगर, उर्वरित भाग, सानेगुरुजी नगर, राजबाग पिवळी कॉलनी अशी राहणार आहे.
प्रभाग क्रमांक २ - या प्रभागातील एकूण लोकसंख्या २ हजार ९९३ यात अनुसूचित जमाती ९९५ आहेत. प्रभागाची व्याप्ती ही - कळमोदा रोड, पूर्वीच्या हद्दीतील तहा नगर, न्हावी दरवाजा, तडवी वाडा, नारखेडे वाडा अशी राहील.
प्रभाग क्रमांक ३ - या प्रभागातील लोकसंख्या ३ हजार ४९ आहे. यात अनुसूचित जाती ७८ तर अनुसूचित जमाती ४१० आहे. प्रभागाची व्याप्ती ही होले - वाडा, रथ गल्ली, इस्लामपुरा झोपडपट्टी, मित्तल नगर आणि वाघोदा रोडवरील काही भाग अशी राहील.
प्रभाग क्रमांक ४ - या प्रभागातील एकूण लोकसंख्या २ हजार ६५६ आहे. या प्रभागातील व्याप्ती 1 रथ गल्ली, होले वाडा, हाजिरा मोहल्ला, तूप गल्ली, काझी गल्ली, न्हावी दरवाजा परिसर, जुनी मुन्सिपल हायस्कूल समोरील भाग अशी आहे.
प्रभाग क्रमांक ५ - या प्रभागातील एकुण लोकसंख्या २ हजार ८६८ असून अनुसूचित जाती ७ आणि अनुसूचित जमाती १६ याप्रमाणे असून प्रभागाची व्याप्ती विठ्ठल मंदिर, खंडोबा वाडी, पोलीस - स्टेशन, न्हावी दरवाजा, नाथ वाडा, भारंबे वाडा, गांवहळा, देवी वाडा, पेहेड वाडा, रंगार घाटी, तूप गल्ली अशी राहील.
प्रभाग क्रमांक ६ - या प्रभागातील एकूण लोकसंख्या २ हजार ९४१ आहे. यामध्ये अनुसूचित जाती १११ तर अनुसूचित जमाती ११ अशी आहे. या प्रभागाची व्याप्ती पुढीलप्रमाणे आहे- खुशाल भाऊ रोड, देवी वाडा, त्रिवेणी वाडा, सुभाष चौक, अंबिका देवी मंदिर, पेहेड वाडा, सराफ गल्ली, किरंगे वाडा, कुरेशी मोहल्ला, सतपंथी मंदिर परिसर.
प्रभाग क्रमांक ७ - या प्रभागातील एकूण लोकसंख्या २ हजार ५८४ असून अनुसूचित जाती ५७ तर अनुसूचित जमाती १५ याप्रमाणे असून प्रभागाची व्याप्ती ही होले वाडा, लक्कड पेठ, हाजिरा मोहल्ला, कासार गल्ली, मोठी पाण्याची टाकी परिसर, चावडी धोबी वाडा, कुरेशी मोहल्ला, मित्तल नगर, वाघोदा रोडचा खालील भाग, गणपती वाडी, पार्वती कॉलनी, उपासना कॉलनी, कॉलेज परिसर अशी राहील.
प्रभाग क्रमांक ८ - या प्रभागातील एकूण लोकसंख्या २ हजार ९७३ असून अनुसूचित जाती ७६८ तर अनुसूचित जमाती ६७ आहेत. या प्रभागाची व्याप्ती - डॉ. बाबासाहेब नगर, सुभाष चौक, अण्णाभाऊ साठे नगर, कुरेशी मोहल्ला, आठवडे बाजार, रामदेव बाबा नगर, दक्षिण बाहेर पेठ, श्रीराम पेठ, पोस्ट गल्ली, मुन्सिपल हायस्कूल, सुतार गल्ली, ज्येष्ठ नागरिक हॉल, श्री स्वामी समर्थ केंद्र, गजानन वाडी, साईनगर अशी असेल.
प्रभाग क्रमांक ९ – या प्रभागातील एकूण लोकसंख्या २ - हजार ७१५ असून यात अनुसूचित जाती १०९ तर अनुसूचित जमाती ७६ याप्रमाणे आहे. या परिसराची व्याप्ती – फैजपूर बसस्थानक परिसर, शिवाजीनगर आसाराम नगर, दूध शीतकरण केंद्र, यावल रोड, नगरपरिषद कार्यालय इमारत, याप्रमाणे असेल.
प्रभाग क्रमांक १० - या प्रभागातील एकूण लोकसंख्या २ हजार ६४७ यात अनुसूचित जाती ५२१ तर अनुसूचित जमाती ४५१ आहेत. या प्रभागाची व्याप्ती अण्णाभाऊ साठे नगर, फॉरेस्ट डेपो परिसर, शिव कॉलनी, गणेश कॉलनी, विद्या नगर, श्रीकृष्ण नगर, आराधना कॉलनी, गुरुदत्त नगर कॉलनी, नम्रता नगर, जनशक्ती कॉलनी अशी राहील.
Comments
Post a Comment