माणुसकी जिवंत आहे ...सेवाधर्म आणि नारीशक्ती च्या सदस्यांनी बेघर ला मिळवून दिला निवारा

माणुसकी जिवंत आहे ...सेवाधर्म आणि नारीशक्ती च्या सदस्यांनी बेघर ला मिळवून दिला निवारा

जळगाव प्रतिनिधी: जळगाव शहरातील वाल्मीक नगर कडे जाणाऱ्या रस्त्यावर लेंडीनाला पुलावर एक व्यक्ती गेल्या काही दिवसांपासून वास्तव्यास आहे. दुपारच्या उन्हात देखील त्याच पुलावर बसून असतो आणि उघड्यावरच उकिरड्या जवळ झोपतो कुणी काही खायला दिले तर कधी खातो कधी खात नाही. त्याची मदत करता येईल का अशी माहिती राहुल सोनवणे यांनी आपल्या वन्यजीव संस्थेच्या बाळकृष्ण देवरे यांना दिली.

          वन्यजीव चे सदस्य घटनास्थळी पोचले त्याला खायला दिले तरी काहीच खाल्ले नाही त्याच्या निवार्याची सोय कुठे करता येईल म्हणून प्रयत्न सुरू असताना देवरे यांनी सेवधर्म गृप वर पोस्ट टाकून सदर व्यक्तीला निवारा मिळवून देण्यासाठी सहकार्य मागितले. याला नारीशक्ती बहुद्देशीय गृप च्या अध्यक्षा मनिषा पाटील यांनी तात्काळ सहमती दर्शवत सकाळी लवकर व्यवस्था करण्याचे आश्वासन दिले. मनीषा ताईंनी सकाळी 7:30 वाजताच  देवरे यांना कॉल केला आणि सदर व्यक्तीला निवारा देण्यासाठी निघाल्या असल्याचं  सांगत 15 मिनिटात तिथे पोचल्या, त्याची परिस्थिती बघत त्याला खायला दिले पण त्याने काहीच खाल्ले नाही रात्रीचे दिलेले अन्न देखील तसेच पडून होते वेळ न दवडवता मनीषा पाटील यांनी सदर व्यक्तीला बेघर निवारा केंद्रात हलवण्यासाठी त्यांनी काही रिक्षा चालकांना विनंती केली परंतु माणुसकीशून्य चालकांनी त्यांना नकार दिला.

         शेवटी एक माल वाहतूक करणारा आटो चालक संदीप कोळी रस्त्याने जात असताना त्याने पुलावर बेघर व्यक्तीला मदत करतांना सेवधर्म च्या मनिषा पाटील आणि सदस्यांना बघितले आणि तात्काळ त्यांच्या मदती साठी आला इतर कुणीही सहकार्य करायला पुढे येत नसल्याचे बघून त्यानेही आपले दोन सहकारी दुर्गेश बाविस्कर आणि पवन सपकाळे यांना बोलवले सर्वांच्या सहकार्याने त्या बेघर व्यक्तीला निवारा केंद्रात स्थान मिळाले बेघर निवारा केंद्राचे व्यवस्थापक मनोज कुलकर्णी काळजी वाहक दीपक चौधरी या सर्वांचे सहकार्य घेत त्याची अंघोळ घातली दाढी कटिंग करून त्याला स्वच्छ केले त्या नंतर बेघर निवारा केंद्रा तर्फे सदर व्यक्ती ला नवीन कपडे उपलब्ध करून दिले त्याच्या साठी जेवण आणले स्वतःची बदललेली परिस्थिती आणि रूप बघून त्याला देखील हुरूप आला आणि काहीच न खाणाऱ्या या व्यक्तीने पोटभर जेवण करत तृप्तीचा ढेकर दिला त्याची पूर्ण व्यवस्था करून मनीषा पाटील माघारी परतल्या.