वाळु माफियांचा धुमाकूळ: जामदा येथील आदिवासी महादेव कोळी शेतकऱ्यावर प्राणघातक हल्ला

वाळुमाफियांवर कारवाई करण्याच्या मागणीसाठी आदिवासी महादेव कोळी समाज बांधवांचा चाळीसगाव तहसील वर मोर्चा

किशोर शेवरे चाळीसगाव प्रतिनिधी:  जामदा तालुका चाळीसगाव येथील आदिवासी महादेव कोळी जमातीचा मोहन सोनवणे या मुलाच्या शेताला लागून वाळू माफियांचा रस्ता आहे  त्यांना आदीवासी शेतकरी पुत्राने अडवले व सांगितले की माझ्या शेतातील पिकाचे नुकसान होत आहे असे सांगताच वाळू माफियांनी सर्वांनी जमुन त्या मुलाला इतकं मारलं की त्याला नऊ दहा टाके पडले. त्या मुलांनी पोलीस स्टेशन मध्ये एफ आर दाखल केली त्या वाळू माफियांना अजून पर्यंत अटक झालेली नाही. 

         दरम्यान जामदा व परिसरात रात्रंदिवस  वाळू  चोरणे चालू आहे.यासाठी अन्याय विरोधात आदीवासी महादेव कोळी जमातीच्या जामदा गावातील अन्यायग्रस्त महीलांनी, वाल्या सेना च्या युवकांनी आदीवासी कोळी जमातीच्या रणरागिणी गीतांजली कोळी यांच्या नेतृत्वाखाली तहसील आँफिस चाळीसगाव, मेहूणबारे पोलीस स्टेशन येथे धडक मोर्चा काढून आदीवासी महादेव कोळी शेतकरी वर हल्ला करणा-या वाळू माफियांवर अद्याप कारवाई का केली नाही म्हणुन अधिका-यांना जाब विचारला.त्यावेळी आदिवासी कोळी समाज बांधवान सह वाल्ह्या सेना चे कार्यकर्ते मोठ्या संख्येने उपस्थित होते.